توحيد اللون لون واحد بدون مبالغه

احب اهدي هالموضوع لكل عروس ملت من التفكير وشلون تبدي بالعنايه والكورسات للجسم والتوحيد والنعومه انا حاسه فيكم واكيد حلات العروس حلوه من داخل وبرااا تزيدها نعومه واناقه ونظافه ولكل بنت تحب تهتم بنفسها ويتوحد لونها انا احب اذكر كذا شغله لو يقطعون عني اي شي احبه عادي الا هالاشياء اللي ممكن استخف لو ما الاقيها اوانقطعت راح يزر عقلي

 

لدرجه افكر اخذ كميه واخلي عندي
انا وحده اموت بشيء اسمه خلطات وكريمات وعنايه وخرابيط ولي خبره بهالسوالف من سنين خخخخخ ترا توني صغيرونه بس وايد جربت واخذو وخلو من الخرابيط لين ما رسيت على هالجم شغله ريحتني ووفرت لي فلوسي ووقتي لاني ملوله وبليز ابيكم تدعون لأختي انه ربي يتمم عليها ويوفقها

شوفوا العنايه اهيا بتكون روتينيه وبتكون يوميه او يوم وترك وبتلاحظون انه سواد الابط والرقبه وتحت الصدر والكواعه والركب وبين الفخوذ والمنطقه الحساسه بيفتحون ويتوحدون بنسبه 90% خلال شهرين

ركزووووووو وياي انا مسويه ليزر الليزر يهبل يهبل ينعم يا عرايس نصيحه لحقوا وحرصو على الاماكن الزينه لانه من مكان لين مكانيختلف ليزرهم انا سويت الليزر بثلاث اماكن واحس تحسفت على اماكن ومكان قلت وينه من زمان وعشان لاتقولون دعايه بس انتو حرصو عالاماكن الزينه
رااااااااااااااااااحه مابعدها راحه بلشوو ليزر للمنطقه الحساسه وبتدعون لي

قطي كل الخلطات والصوابين والخرابيط وروحي الصيدليه اخذي هالاشياء:-

1-صابونة فير اند وايت اللي بفيتامين سي لونها اورنج من داخل واهيا تقشير وتنعيم وتبيض 3في1 تغنيج عن وايد اشياء

2-وتاخذين سيروم فير اند وايت

3-وتاخذين كريم فير اند وايت (فيه نوعين كريم وجيل جنه) انتي اخذي الكريم اللي مثل الصوره بالضبط

4-واخذي ديودرنت بايوت الرول

ونحتاج لهليفه من بودي شوب

ومن الجمعيه بيبي اويل

الطريقه:-
ظروري ظروري يوميا تغسلين جسمج او يوم وترك حتا لو شعرج ماتغسلينه المهم الجسم يوميا واذا ماتقدرين يوم وترك (ظروري)
تدشين الشور وتخلين جسمج رطب من الماي الحار اللي تقدرين تتحملينه لمه يصير رطب الجسم تمسكين الصابونه وتحركينها مباشره بالجسم من تحت لمه فوق بشكل دائري بس ها مو تزليق لاتصير النتيجه عكسيه طبعا اهني بدون دس بودي شوب ترغين الجسم لمده 5دقايق تتفركين فيها بكل مكان بجسمج وتخلين الرغوه عالجسم دقيقتين وتالي تلبسين الدس وترغين الصابونه وتتليفين وانتي لابسه الدس هم 5 دقايق وخلصنااااااااا
وغسلي شعرج جان تبين وقبل ماتطلعين من الشور خلي الجسم مبلل وحطي بيبي أويل وطلعي

نشفي جسمج وحطي ديودرنت بايوت ولاتحطين اي كريم عطري (بودي شوب فكتوريا سيكرت وباث اند بودي…ألخ)
واذا تبين تحطين كريمات عطريه بعد الشور بمده عالاقل المسام مصكر

خلطة التبييض الكريم والسيروم
الجسم الحين نظيف قبل النوم نحط من الكريم اللي من فير اند وايد على راحة الايد ونحط عليه 10 نقط من السيروم وتوزعينه على اماكن السواد الرقبه تحت الصدر والاباط والركب والكوع والافخاذ والمنطقه الحساسه من جدام وورا اذا تبون بين الافخاذ كل مكان تبيض يتوحد لونه وظروري تحطونه قبل النووووم لازم هالخلطه تقعد اقل شي 5 ساعات بالجسم وانا افضل قبل النوم وماتلبسون اندر وير

اي نسيت اقولكم الصابونه ويا الوقت توحد اللون وتنعمه وتصفيه
والخلطه اللي تبي حل سريع ولمده شهر تشوفين النتيجه فتاكه بس يوميا بليل تحطين
واهم شي الترطيب بالبيبي اويل

ودمتم سالمين