النتائج 1 إلى 1 من 1

حتى تكوني أنثى بمعنى الكلمة.

السلام عليكم ورحمة الله وبركاته حتى تكوني انثى بمعنى الكلمه اسمعي الكلمتين دول مهمين جدا وعلمي بناتك 1- ماتهزريش لحد ما تفقدي هيبتك. . أيوه ماتستغربيش الست لازم

  1. #1
    تاريخ التسجيل
    May 2007
    الدولة
    مصــ الغالية ــــر
    المشاركات
    27,542
    Icon17 حتى تكوني أنثى بمعنى الكلمة.




    السلام عليكم ورحمة الله وبركاته


    حتى تكوني انثى بمعنى الكلمه


    اسمعي الكلمتين دول مهمين جدا وعلمي بناتك
    1- ماتهزريش لحد ما تفقدي هيبتك. . أيوه ماتستغربيش الست لازم يكون ليها هيبة مش اي حد يتجرأ على الهزار معاها .. ولا كل أشكال الهزار تقبله .. وعلى فكرة ده لازم يكون وسط الجنسين مش علشان انتي في قعدة ستات يبقى مافيش حدود.
    2- ماتتكلميش لحد ما اللي قدامك يصدع من تفاصيل كلامك ويشوفها مملة .. خلي كلامك محدد وعزيز زي فاكهة موسمية تروح لها النفس لما تغيب .. ابتعدي عن اللك الغير هادف وخلي كلامك مختصر وفي شكل نقاط مركزة.
    3- مش عيب انك ماتعرفيش حاجات كتير مش مطلوب منك تكوني بنك معلومات .. بس لو اتكلمتي لازم تعرفي الكافي عن الموضوع اللي بتتكلمي فيه .. مش عيب تقولي ماعرفش .. بس العيب انك تباني ساذجة.
    4- ماتحشريش نفسك في تفاصيل حياة غيرك .. سيبي الحرية للي قدامك انه يقولك اللي هو أو هي عاوزين يقولوه عن نفسهم. . كتير من الأسئلة زي عندك اولاد أو انتي مخطوبة أو بتشتغل ايه اللي تبدو ليكي عادية ممكن تبدو إجاباتها محرجة لغيرك.
    5- ماتنسيش طريقة جلوسك هي ثلث مظهرك .. مش لازم تتعوجي في قعدتك بس دايما خدي بالك من شكلها وعلى فكرة أقل الجلسات رقة هي اللي بتحطي فيها رجل على رجل .. شوفي حاجة تانية أكثر نعومة واناقة خصوصا وسط اصحابك.
    6- الست .. ابتسامة .. مش اكتر من ابتسامة .. ولو حكمت يبقى ضحكة صوتها ميعديش ودانك لكن ضحك المعلمين ده وضرب ايدي على ايد اللي جانبي مع الالش ده اختراع ذكوري بحت .
    7- مش مهم ابدا تكوني لابسه سنييه أو لبس غالي .. كفاية تكوني بسيطة وريحتك حلوه ووشك صافي ومتجانس ومختاره اكسسوارات مناسبة لوقت خروجك وافتكري أن اصعب انواع الأناقة ابسطها .. اشتغلي على ستايلك كل فترة وعيدي ترتيب أولوياتك فيه.
    8- اوعي تتكلمي عن نفسك إلا إذا أطللب منك ده بسؤال مباشر .. لا تعليمك ولا ثقافتك ولا عيلتك ولا محلات الشوبنج بتاعتك تهم حد الا لو سأل عنها .. وياريت الإجابات تكون نبذة مختصرة علشان ميتقالش عليكي محدثة نعمه.
    9- كوني لطيفة ماتسفهيش رأي حد ولا تغلطي حد الا في إطار ذوق ومجامل بلاش جملة الكلام ده غلط .. ممكن جدا تستبدليها مثلا أن الكلام غير دقيق .. الفرق كبير بين انك صريحة وانك قليلة الذوق.
    10- كوني أنثى ???? انتي اللي اشتغلتي عليها وطورتيها و ثقفتيها وعلمتيها. . ماحدش فينا بيتولد كامل لكن كلنا بنتولد قابلين للتعلم.
    11-وأخيرا كوني واثقة من نفسك .. ماحدش من حقه يقيمك ولكن مراعاتك لأصول اللياقة دي لذاتك انتي ولصورتك انتي الراقية عن نفسك .. الأنوثة بتكمن في الرقي ومن غير تصنع او تكلف


    المواضيع المتشابهه:


    pjn j;,kd Hken flukn hg;glm> 11-,Hodvh H'ggf H,g,dhj; Y`h Ygh hfjshlm hf]h hfs'ih hojvhu hajygd hwuf h;ss,hvhj hgHkhrm hgh hghga hgsj hga,fk[ hg;ghl hggd hglugldk hgi.hv hkjd hk; hk,hu h,ud hd] hd]d fjhuj; fpj fschg fsd'm fkj,g] fdj,g] jf], jj;gld jvjdf jugdl; jthwdg jil erhtj; [hkfd []h ph[m pg,i ov,[; `;,vd v[g sjhdg; skddi whtd qp; ugahk ugn udf udgj; yhgd tjvm t;vm tdkh tdi rhfgdk r]hl; ;hlg ;jdv ;thdm ;ghl; ;gkh ;,kd ghfsi gh.l gfs gp] g'dtm g;k ggjugl g,rj lhp]a lfhav lpghj ll;k lkhsfm lk; lil kts; ,herm ,htj;vd ,vdpj; ,s' ,qvf ,ugn ,ud]d ,gh ,lj[hks ,lojhvi ,,a; dfrn d;,k


    التعديل الأخير تم بواسطة حور الدنيا ; 14-04-2019 الساعة PM 22:13



الكلمات الدلالية لهذا الموضوع

من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية