صفحة 1 من 3 123 الأخيرةالأخيرة
النتائج 1 إلى 5 من 12

السياحه في أمريكا / نيويورك

نيويورك تتكون من جزئين يفصلهم البحر مانهاتن الي بيها كل المعالم السياحية وبروكلين بيها باركات ومولات بس ما بيها شي مميز لذلك السياحة اغلبها في مانهاتن ويربط هالجزئين جسرين اشهرهم

  1. #1
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,523
    Icon41 السياحه في أمريكا / نيويورك




    نيويورك تتكون من جزئين يفصلهم البحر مانهاتن الي بيها كل المعالم السياحية وبروكلين بيها باركات ومولات بس ما بيها شي مميز لذلك السياحة اغلبها في مانهاتن ويربط هالجزئين جسرين اشهرهم جسر بروكلين
    اول شي السكن بتايم سكوير صح الفنادق اغلى من غير مكان بس هاي المنطقة بيها ميزة القرب من اغلب المعالم السياحية بحيث نتمشالها مثل سنترال بارك اكبر متنزه وبناية الامباير ستيت اعلى ناطحة سحاب في المدينة ومتحف المتروبوليتان ومسرح برودواي ومواقف شركات التور باص ومحلات الماركات العالمية اضافة انه تايم سكوير بحد ذاتها من المعالم المميزة جدا
    اول يوم وصلت اشتريت تذكرة تور باص تشمل جولة في المدينة وجولة بوت الى تمثال الحرية
    اليوم الاول رحت لمتحف ١١ سبتمبر الي مكانة بنفس مكان البرجين الي تفجرو ويمهم النصب التذكاري ومركز التجارة العالمي الجديد الي نشرت صورهم قبل فترة ومراح اعيدهم بهذا المنشورالسياحه في أمريكا / نيويورك 599483_womenw.jpg????السياحه في أمريكا / نيويورك 599483_womenw.jpg????ومن هاي المنطقة نتمشى الى جسر بروكلين المعلق المكان كلش حلو للمشي وقت العصر ويطل عالبحر وممكن عبور الجسر الى بروكلين والعودة مشيا وبعدها رحت للبوت الى على اساس يودينا لتمثال الحرية الي طلع بجزيرة بالبحر مو داخل نيويورك مثل مجنت اتصور الرحلة بالبوت نص ساعة يوصل قريب عالجزيرة ويرجع وهنا جانت الفطة العاشرة والاخيرة بهاي السفرة العجيبة الغريبةالسياحه في أمريكا / نيويورك 599484_womenw.jpg????السياحه في أمريكا / نيويورك 599484_womenw.jpg????السياحه في أمريكا / نيويورك 599484_womenw.jpg???? لان جان المفروض ننزل بالجزيرة ونصعد للتمثال بس طلعت هاي الشركات ما مسموحلهم ينزلون بالجزيرةالسياحه في أمريكا / نيويورك 599485_womenw.jpg???? والي يريد ينزل لازم يحجز عالعبارة الحكومية
    بعد هاي الرحلة رجعت للامباير ستيت قريب الغروب الي هوة افضل وقت لصعودها حتى نشوف منظر المدينة كاملة ومنظر الغروب واضواء ناطحات السحاب باليل
    اليوم الثاني رحت لمتحف الشمع ايضا هوة قريب على تايم سكوير وبعدها رحت للchina town او الحي الصيني عبارة عن الصين المصغرة وبي كل انواعةالبضاعة الصيني التقليد وباليل رجعت لتايم سكوير
    اليوم الثالث كله في سنترال بارك لانه مكان كبير جدا ومليان تماثيل و بحيرات ونافورات واهمها النافورة الي تطلع بمقدمة مسلسل فريندز
    واكو تطبيق بالابل ستور اسمه سنترال بارك بي خرائط المكان
    وحدة للنافورات وحدة للبحيرات وحدة للتماثيل ومواعيد الحفلات والفعاليات الي تصير بي يعني تخيلو شكد كبير بحيث يسووله ابلكيشن السياحه في أمريكا / نيويورك 599486_womenw.jpg????السياحه في أمريكا / نيويورك 599486_womenw.jpg???? وطبعا متحف المتروبوليتان يم سنترال بارك طلعت من البارك الساعة ٦ ونص رحت للمتحف لكيته معزلالسياحه في أمريكا / نيويورك 599487_womenw.jpg????السياحه في أمريكا / نيويورك 599487_womenw.jpg???? كالو ينسد بالستة
    وبما انه هاي جانت اخر ليلة وثاني يوم لازم ارجع الى ارض الوطن ف جان لازم اروح مكان مميز و رحت لمطعم اسمه the view الي هوة مطعم دوار موجود بوحدة من ناطحات السحاب بتايم سكوير الدورة الكاملة للمطعم تستغرق ساعة ونظامهم بوفيه مفتوح سعر الوجبة للشخص ٤٠ دولار مهما كان نوع وكمية الاكل الي ياخذها وبما انه اني لازم اكل بس الاشياء النباتية لاسباب معروفه فاخذت طبق بي كل انواع المقبلات وكعدت اجت النادلة كالت تحبين تشربين شي طلبت عصير كوكتيل فريش جان سعره ١٠ دولار هذا ينضاف للوجبة فكالت تحبين تضيفين tips (بقشيش) طبعا هناك الناس عايشين على هاي التبس لان الرواتب قليلة فبكل مكان حتى بالتكسي ندفع شي رمزي يعني ٥ او ١٠ دولارات تعتبر بقشيش بس مو اجبارية فكلتلها اي ضافت البقشيش عالقائمة وراحت اني كملت الاكل ورحت اريد ادفع الحساب لكيته ١٠٤ دولار السياحه في أمريكا / نيويورك 599488_womenw.jpg????السياحه في أمريكا / نيويورك 599488_womenw.jpg???? زين شنو منو ليش شكو شلون ما ادري المهم كلت لا ميصير اخليهم يقطوني لهنا وكافي بعدالسياحه في أمريكا / نيويورك 599484_womenw.jpg????السياحه في أمريكا / نيويورك 599484_womenw.jpg????السياحه في أمريكا / نيويورك 599484_womenw.jpg???? رحت للمسؤولة عن النادلات وطلبت منها توضحلي ليش الحساب صار ضعف كالت كاتبيلج انه البقشيش ١٠٠% من قيمة الحساب وانتي حسابج ٥٠ دولار و٤ دولار سيرفس كتلها يعني مو هواي ٥٠ دولار تبس كالت لعد النادلة مكالتلج شكد تريدين تدفعين تبس كتلها لا بس سالتني ووافقت ادفع بس ما اتفقنا على مبلغ فكالت هسة انتي عندج ٣ خيارات اما تدفعين القائمة مثل ما هية او تدفعين بس حسابج ٥٤ دولار او تقدمين شكوى للادارة حتى يحاسبون النادلة لان مو من حقها تضيف بكيفها...
    بما انه اخر يوم فماكو داعي للمشاكل ولو جان المفروض اطلع قطات السفرة كلها براس المسكينهالسياحه في أمريكا / نيويورك 599486_womenw.jpg????السياحه في أمريكا / نيويورك 599486_womenw.jpg????السياحه في أمريكا / نيويورك 599486_womenw.jpg???? بس اختاريت الحل الثاني ودفعت٥٤ دولار على طبق مقبلات وعصير كوكتيلالسياحه في أمريكا / نيويورك 599484_womenw.jpg????السياحه في أمريكا / نيويورك 599484_womenw.jpg???? بس بصراحة كعدة المطعم والمنظر من فوك يسوة
    والى هنا تنتهي سفرة القطات التاريخية العالمية الي جانت تجربة هواي تعلمت منها وهواي استفاديت منها وتونست بيها وان شاء الله انتو هم استفاديتو من الاخطاء حتى متوكعون بيها بالسفر الى اي دولة


    المواضيع المتشابهه:


    hgsdhpi td Hlvd;h L kd,d,v;



  2. #2
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,523
    افتراضي رد: السياحه في أمركيا / نيويورك
    الامباير ستيت



  3. #3
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,523
    افتراضي رد: السياحه في أمركيا / نيويورك
    من اعلى بناية الامباير ستيت



  4. #4
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,523
    افتراضي رد: السياحه في أمركيا / نيويورك
    امام بناية الامباير ستيت



  5. #5
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,523
    افتراضي رد: السياحه في أمركيا / نيويورك
    تايم سكوير



صفحة 1 من 3 123 الأخيرةالأخيرة


من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية