صفحة 3 من 3 الأولىالأولى 123
النتائج 11 إلى 12 من 12

السياحه في أمريكا / نيويورك

  1. #11
    تاريخ التسجيل
    May 2007
    الدولة
    مصــ الغالية ــــر
    المشاركات
    27,582
    افتراضي رد: السياحه في أمركيا / نيويورك

    بارك الله بك أخي نادر على مجهودك الكريم
    وعقبال الجولة القادمة



  2. #12
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,519
    افتراضي رد: السياحه في أمركيا / نيويورك

    راح احجيلكم اليوم عن سفرتي الثانية لامريكا الي جانت بشهر التاسع 2016 يعني ورا 5 اشهر من السفرة الاولى وكان وقتها عيد الاضحى حجزت ويا صديقتي لقبرص اليونانية عن طريق شركة وقبل العيد ب 3 ايام اتصلو بينا وكالو قبرص رفضت تنطي فيزا للعراقيين???????? فحاولنا نشوف اي دولة ثانية نسافرلها بس كل الشركات الي شفناهم بوقتها كالو انه حجوزات العيد مفولة وما بيها مجال???????? وبما انه اني عندي فيزا سارية المفعول قررت اروح مرة ثانية واشوف ولايات الساحل الغربي وضفت وياها نيويورك وصديقتي المسكينة قضت العيد بالبيت????
    هاي السفرة تختلف تماما عن الاولى لان صار عندي تجربة سابقة بالسفر وحدي وماكو خوفة او رهبة لان عرفت طريقة تعاملهم وتعلمت احجز فنادق وتورات تناسبني وطيران داخلي بحيث ارتب وقت الوصول ويا الجيك ان بالفندق شعبالكم لعد غير صرت شاطرة وتعلمت من القطات السابقة????????
    الطيران عالخطوط القطرية التذكرة ١٠٤٥ دولار لان دائما تسألوني عالاسعار???? ترانزيت ٣ ساعات بمطار حمد وراها انطلقنا الى
    #نيويورك????????????المدينة التي لا يمكن ان تمل
    وصلت الفندق الي جان ايضا بتايم سكوير ساعة ١٠ ونص الصبح وماكو جيك ان قبل ال٣ الظهر فخليت الجنط بالامانات وطلعت تمشيت بتايم سكوير قلب نيويورك النابض???????? ورحت لمتحف المتروبوليتان حتى ابدي من حيث انتهيت سابقا???????? المتحف كلش حلو وكبير وفخم بس ميوصل لمتحف اللوفر او الارميتاج وبي اقسام لكل الحضارات العالمية وانواع الفنون التشكيلية
    رجعت للفندق بالستة العصر ونمت لحد ثاني يوم الصبح حتى اطلع فرق ال١٩ ساعة طيران وجرت وراها جولة المتحف????????
    ثاني رحت لتمثال الحرية طلعت ساعة 8 الصبح عبالك ناذرة نذر???????????? ورحت للعبارة مجان اكو احد بالسرا اشتريت تذكرة مباشرة وجان اكو سياح يتجمعون بالساحة ما يتجاوز عددهم10 المهم صعدنا للعبارة وبقينا ننتظر لحد ما قبطت???????? ولو هية تنطلق عالمواعيد مو عالتقبيطة
    وصلنا الجزيرة تمشينا حول التمثال وصعدنا للقاعدة هم نتمشى وناخذ صور ونزلنا تمشينا بالجزيرة هية صغيرة وما بيها شي بس شوية كافيهات ومطعم ومحلات هدايا تذكارية بس حلو الواحد يتمشى عالبحر من الصبح وماكو هوسة ويريح اعصابه
    وراها صعدنا عبارة ثانية ودتنا لجزيرة اليسellis الي جانو يحجزون بيها المهاجرين غير الشرعيين الي يجون عن طريق البحر لحد ما يكملون اجراءاتهم الامنية والفحص الطبي وبعدين يرحلوهم لامريكا الجزيرة شبه متحف بي اماكن المخيمات والمستشفى ودوائر التچييك الامني ومكانات بيها عروض تلفزيونية لبعض الحالات الانسانية
    وراها رجعتنا العبارة لمانهاتن تمشيت لحد متحف ١١ سبتمبر الي يمه النصب التذكاري للتفجيرات ومركز التجارة العالمي الجديد الشارع هذا كلش حلو بس المنطقة القريبة عالمتحف جانت مسدودة وازدحام وسيارات شرطة تارسة المكان بحيث عبالي رجعت للعراق???????? سالت كالو اليوم الذكرى السنوية للتفجيرات انتبهت للتاريخ طلع ١١ سبتمبر واني مو على بالي وجانو سادين المتحف والطريق لان اكو مسيرة دتنطلق بعد ساعة بقيت امشى عالبحر الجهة المقتبلة لبروكلين وشفت المسيرة عبارة عن ماطورات شايلة الاعلام الامريكية واهالي الضحايا شايلين صورهم وشعارات عن السلام ورفض الارهاب ومن هالحجي...
    رجعت العصر لتايم سكوير واخذتلي جولة على محلات الماركات ورجعت للفندق باليل
    طبعا الاكل بنيويورك ما بي مشكلة اكو مطاعم حلال لبنانية وتركية واكو عربانات الهوت دوغ المكتوب عليها حلال هاي موجودة بكثرة بين عربانة وعربانة تلكون عربانة???? واكثرهم مصريين الي يشتغلون عليهن
    اليوم الثالث رحت لسنترال بارك الي جان شكله يختلف هالمرة لان الاشجار الگرعة كلها صار عدها شعر قصدي اوراق والخضار على مد البصر والمكان يفتح النفس هم بقيت بي للعصر وراها صعدت التور باص واخذتلي جولة بالمدينة الي حسيتها صارت عرف مو غريبة???? ورجعت لتايم سكوير باليل حتى اتحضر للسفر الى الساحل الغربي





صفحة 3 من 3 الأولىالأولى 123


من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية