صفحة 5 من 5 الأولىالأولى 12345
النتائج 21 إلى 23 من 23

السياحة في الصين

  1. #21
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,519
    افتراضي رد: السياحة في الصين




  2. #22
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,519
    افتراضي رد: السياحة في الصين



  3. #23
    تاريخ التسجيل
    Mar 2009
    الدولة
    زرع البسمة في وجوهكم الطيبة هي دولتي
    المشاركات
    104,519
    افتراضي رد: السياحة في الصين
    مساءالخير
    اليوم احجيلكم عن سفرتنا الى GUILIN-الصين
    بالبداية توجهنا لكوانزو وبعدين اخذنا قطار سريع (275 كم/ساعة) وبعد وصولنا الى المحطة المقصودة توجهنا الى الفندق ،طبعا بالگوة لمينا فندق يحجي إنكليزي لان اغلب الفنادق بس صيني ،ومن الفندق حجزنا لرحلة نهرية ثاني يوم وبالسيارة جان طريقنا تقريبا 2 ساعة ولكينا المكان مغلق ????????????????
    لان رايحين متأخرين وتاليها رجعنا بنفس التكسي الى منطقة بيها كهوف بمنتصف الجبال والحلو بيها انارة للسقوف جميلة جدا وبالمخرج اكو سوق بيها شغلات اثرية وأطعمة ( تلعب النفس????)وبعدها توجهنا الى منطقة جبلية جميلة جدا ورجعنا ثاني يوم لنفس المكان الاول ابو الرحلة النهرية طبعا اول مشافونا اجانب ????التقطوا هواية صور ويانا وسووا وياية لقاء صحفي وصعدنا باليخت وهنا دخلنا احد انواع الجنة بحيث موسيقى هادئة جدا ونقاوة الهواء 200‎%‎ والصمت ساد على الجميع والماء نقييييييييييي جدا والجبال حولنا من الجهتين بحيث الكل سكتت وبقينا بس نتأمل اللحظة وفعلا عشناها ،الرحلة طولت 4 ساعات بس ولا حسينا بيها وجان بيها وجبة غداء ،واهم شغلة بالسفرة جانت
    ( حيث الماء والخضرة والوجه الحسن )
    وأثناء الرحلة وصلنا لمنطقة مشهورة عدهم وطابعيها على عملة ال 20 ين
    لذلك كلنا اخذنا صور بيدينا العملة والمكان الموصوف خلفنا ,ومن بعدها ثالث يوم توجهنا لمكان اخر وهو اشهر منطقة لزراعة الرز بالعالم Guilin ومنها يتم تصدير جزء كبير من احتياج العالم للرز ،واستقلينا للوصول لهذا المكان باص لمدة 5 ساعات وبعدين سيارة صعدتها للجبل تقريبا ساعة وشوية ومن وصلنا لنهاية الخط مشينا مسافة 1/2 ساعة صعود يلا وصلنا الفندق وهنا كنّا منهكين تماما وأثناء منتمشى للحصول على الفندق سمعت صوت وركضضضضضضضضضضضض????????????
    طلع خنزير ،لان اكلتهم المفضلة بيها لحم الخنزير مع تتبيلة خاصة بيهم وتتعبى بالقصب (قصب خشن)وتوضع على النار وتتسخن على نار هادئة جدا طبعا بعدين عرفنا انه الخنازير اليفة مو الوحشية ،طبعا هنا ضجنا لان شفنا مكان عادي ونمنا ،ولمن صحينا الفجر كانت المفاجاءة وإذا بمنظر ماله مثيل تماما مع وقت الشروق وإذا بالمدرجات تملاء المكان من حولنا والمنظر كان رهيب جدا ومذهل وتفاجاءنا جدااااا من جماله هنا صعد النشاط عدنا فوووول وتوجهنا للتلفريك وصعدنا للجبل ووصلنا قريب القمة ونشوف زحليقة طويلة جدا ومتعرجة تنزل من اعلى الجبل الى أسفله وممتعة جدااااااا
    بس مع الأسف ملحكنا عليها لان بالنزول مطرت شوية ومخلونا ننزل بيها يخافون من الخروج عن السكة ،طبعا بعد وصولنا للقمة شفنا اكو نزلة وتحتها وادي عميق ومكان جميل ونهر جاري بالأسفل وبعد رحلة طويلة رجعنا ننزل بالتلفريك وطبعا احلى مابي هو انه كان مفتوح مو مغلق وننزل بين الأشجار
    ورابع يوم رحنا برحلة مائية صعدونا بالباص لاعلى الجبل تقريبا ساعة صعود وبعدين وصلنا وأخذنا معدات السباحة ونزلنا بالقوارب وكانت جدااااااا جميلة وممتعة جدا جدا جدا وانقلبنا بالقارب ???????????????????????????????? وتاذينا ،
    وهذي السفرة كانت مميزة لان كان بيها ركوب طائرة مروحية ودراجة وبايسكل ورماية وتلفريك ويخت وقطار سريع وقارب وباص وكل وسائل التنقل والباقي



صفحة 5 من 5 الأولىالأولى 12345


من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية