السلام عليكم
انا متزوجة من خمس سنوات زوجي وحيد ووالده متوفي من طفولته وعايش هو ووالدته ف بداية الجواز حماتي كان عندها شقة اوضه وصالة قالتلي اتجوزوا فيها مؤقتا لحد ما ابني الارض وافقت مع أن الاتفاق انهم هيبنوا الارض ويبقالي شقة عامة وافقت ع الاوضه والصالة لحد ما الارض تتبني من يوم الجواز وحماتي يوميا معانا من الساعة ٩ الصبح لحد ١١ بالليل انا قولت عادي ملهاش غير ابنها تقبلت الوضع هي مسكتتش ع كده فضلت تضايق فيا تعملي مشاكل اروح شغلي وارجع الاقيها ف الشقة ودائما عايزة تشوف عندي ايه ومن بعض المشاكل ف مرة جابت معاها كحك وحطته جنبها وجبتلها تاكل مرضيتش قالتلي هستني ابني لما جوزي جه حطيت الاكل مرضيتش قالت لابنها انا جايبه اكلي مع العلم أن الكحك اي قرص زي ما هي جوزي قالها ليه قالتلي مراتك مش معرفاني حاجة وساكه ع الاكل طبعا اضايقت قولتلها يتكامل ليه دانا حتي مش معايا مفتاح لاوضة النوم والتلاجه ف الصالة وانتي مرضتيش نكلي المهم هي ابتدت تعمل مشاكل كتير وف وقت ما فتحت الباب عليا انا وجوزيف اسفة للتعبير بس الوضع كان صعب هي مكنتش ف الشقة الوقت ده وبعدها جوزي اتعصب وزعق شويه قالتله مش هديلك المفتاح سبولي شقتي وخدلكم شقة ايجار فضلت تضايق فينا لحد ما جوزي دور ع شقة ايجار ونقلت العفش بعد شهرين من جوازي ... فضلت برضو. تضايق فينا وتيجي تعملي مشاكل برضو المهم تاقلمت وقلت مش مشكلة اهو ابنها الوحيد بس من فترة كبيرة لاقيت جوزي متغير عليا كل اما يروح لها يجي يتخانق معايا حصل مشاكل كتير بنا ضربني اضطريت اسيب الشقة واروح عند بابا تاني يوم لاقيته غير كالون الشقة ووالدته قعدت ف الشقة فضل الوضع كده لشهرين ونص وشرط عشان ارجع امه تيجي تقعد معانا عشان المشاكل رفضت خاله جه وحكتله على كل حاجة حكموا انها تفضل ف شقتها وانا ف شقتي والعلاقة بنا كويسة بس كل واحد ليه مكانه واروح لها وتجلنا واحيانا تبات وافقنا ع الحل ده بعد ما روحت انا وجوزي كل يوم ف نفسية صعبة ودايما نتخانق وهو اتغير من ناحيتي خالص علشان والدته مجتش تقعد معانا ف الشقة مع العلم كنت حامل ولدت وقعدت عند بابا هي جت قعدت ف الشقة تاني روحت الشقة نفسيتي كانت صعبة وحاسة اني كارهة ادخلها وتعبت بعد الولادة روحت كشفت الدكتور قالي راحة تامة لان خياطة الجرح فكت كلها بقالي شهرين عند بابا تعبانه وحماتي مجتش اطمن حتى عليا وهي حاليا قاعدة ف شقتي وجوزي متغير من ناحيتي جدا هو كان كويس معايا دلوقتي اتغير وكل اما اروح شقتي أو ادخلها احس اني تعبانه نفسيا مع العلم ف يوم لاقيت كمية دود ادام الشقة صعبة جدا مع اني كنت ماسحه السلم سالت ف ناس قالوا عين حشد يعني وناس قالوا معملك عمل عشان متقعديش ف الشقة
انا تعبانه نفسيا بجد بسبب كمية المشاكل اللى أنا فيها ارجو حل لمشكلتي وجوزي يرجع زي الاول وحماتي تحبني

المواضيع المتشابهه:


hgrhivm .,[d ,plhjd