صفحة 1 من 7 1234567 الأخيرةالأخيرة
النتائج 1 إلى 5 من 31

غياب الزوج ودمار المرأه والاولاد

بسم الله الرحمن الرحيم دى مشكلتى ومشكله ملايين الزوجات مش سهله انا متجوزة بقالى 9 سنين وعندى ولد وبنت وسنى 26 سنه يعنى متجوزة وانا عندى 17 سنه كنت

  1. #1
    تاريخ التسجيل
    Mar 2013
    المشاركات
    26
    افتراضي غياب الزوج ودمار المرأه والاولاد




    بسم الله الرحمن الرحيم

    دى مشكلتى ومشكله ملايين الزوجات مش سهله
    انا متجوزة بقالى 9 سنين وعندى ولد وبنت وسنى 26 سنه يعنى متجوزة وانا عندى 17 سنه كنت بحبه جدااا وحاليا انا بكرهه جدا وبتمنى يعرف اد ايه انا بكرهه جوزى كان شاب على اد حاله زى اى شاب بس انا كنت راضيه والله جدا انى اعيش معاه ادام هو موجود معايا المهم انه سافر بقاله 5 سنين طول الخمس سنين بقا انا جوزى بيكلمنى زى كأنى خطبته بالعكس يعنى اكتر شويه واحدة مايعرفهاش كله اللى بينهم العيال والفلوس واخيرا قرر يعمل اقامه فاطلقنى اه عادى طلقنى بعتلى ورقه طلاقى علشان مستقبل العيال ايه يعنى كل الناس بتعمل كدا انتى يعنى مش شايفه العيشه بقت غاليه ازاى اه دا الكلام اللى كان بيتقالى من الناس ومن اهلى نفسى يفهم انى عايزة اعيش اعيش على الارض بس معاه انام جعانه بس محميه فيه ولادى مايلبسوش كويس بس ابوهم يبقا موجود
    ايه عملوه علشان مايعرفوش مين وفين ابوهم بيكرههوه من قله كلامه ومن اهماله
    نفسى اقوله طزززززز فيك وفى فلوسك وفى اموال الدنيا اللى تخليك تسيب مراتك والكل يطمع فيها
    مليون لعنه على راجل مكتوب على ورقه جواز معدوم
    نفسى احب واتحب الاقى حد يقولى جايه منين وراحه فين نفسى اخرج من بيت اهلى
    مليون ست غلطت بعد سفر جوزها والله عذراهم انا مش بقول اغلطوا بس بقول للرجاله افهموا بعدتوا يبقا بالعقل كل انسان وله قدرة على التحمل حتى لو بعدت ايه يمنع كلمه طيبه كلمه حلوة ليه الست تترمى علشان اقامه
    عدت عليا سنه والتانيه بقول عادى والتالته زهقت واتحايلت عليه كفايه مش عارفه اخد راحتى فى بيت اهلى ولادى مش عارفين يلعبوا بحاجتهم
    بقوا اربع سنين ولسه ماعملش حاجه بقوا خمسه ولسه ماخلصش احلامه يبقا العمر كله علشان نعيش وطلاق ايه يعنى هاردك ليه اانا حجر يرمينى ويجبنى وقت ما يحب على ورق
    من فتره اتعرفت على واحد حسسنى بحاجات كتير اوى كانت نقصانى حسسنى انى انسانه عايشه وحبيته اوى بيخاف عليا وبيحبنى ولاول مرة احس بغيرة على حد انا عشت مع جوزى عمرى ما حسيت انى بغير عليه
    بس حبى للانسان دا مخلينى بحس انه بيوحشنى بتمنى اكون معاه اكتر ما بتمنى رجوعى للى كان جوزى
    انا جوايا كلام كتيررررر مش عارفه اقوله اوعوا حد فيكوا يحس انى قليله فى نظرة لحظه لانى شوفت مواقف جوزى دا هو السبب فيها عمرى ما اصدق انى اكون فى المواقف دى
    المشكله حتى بعد طلاقى الناس بتقولى استنى جوزك بكرة يرجع مالوش الا انتى والعيال بعد ايه بعد ما كرهته بعد ما اتجوز عليا بعد ما طلقنى
    انا اسفه بس بجد انا قليل اما بفرح وحتى لما بفرح بفرح من انسان غريب ماليش حق فيه انى اكمل فرحتى معاه

    المواضيع المتشابهه:


    ydhf hg.,[ ,]lhv hglvHi ,hgh,gh]



  2. #2
    الصورة الرمزية *قلب فلسطين*
    *قلب فلسطين* غير متواجد حالياً مراقبة أقسام الحمل و الولادة - Pregnancy - نصائح للحامل
    تاريخ التسجيل
    Nov 2010
    الدولة
    استوطن الحزن في قلبي
    المشاركات
    7,247
    افتراضي رد: غياب الزوج ودمار المرأه والاولاد
    هذا ذكر وليش رجل
    ما في رجل بسيب مرته واولاده


    ومااا بلوومك انتي في سن صعب الفتاه بتبحث عن الحب والحناان والاحتوااء
    بأختصاار عن الرجل ................


  3. #3
    تاريخ التسجيل
    Mar 2013
    المشاركات
    26
    افتراضي رد: غياب الزوج ودمار المرأه والاولاد
    اقتباس المشاركة الأصلية كتبت بواسطة *قلب فلسطين* مشاهدة المشاركة
    هذا ذكر وليش رجل
    ما في رجل بسيب مرته واولاده


    ومااا بلوومك انتي في سن صعب الفتاه بتبحث عن الحب والحناان والاحتوااء
    بأختصاار عن الرجل ................
    شكرا قلب فلسطين على تواجدك وردك على موضوعى
    وليكى كل الاحترام


  4. #4
    تاريخ التسجيل
    Mar 2013
    المشاركات
    26
    افتراضي رد: غياب الزوج ودمار المرأه والاولاد
    نفسى اعلم كل راجل متجوز درس مايتنساش العمر كله
    انا كان جوزى فى نظرى اول واخر راجل فى الدنيا دلوقت بقا فى راجل تانى فى عنيه
    كنت بخاف على فلوسه كل قرش بقول دا تعب فيه دلوقت نفسى اخد دم قلبه
    كان بيصعب عليا لما يجى من شغله تعبان لو قالى مش معايا فلوس اقوله ربنا كبير
    كنت محافظه عليه وهو غايب بس انا دلوقت محافظه على نفسى وبس مش علشانه علشان ربنا ونفسى وولادى
    نفسى كل ست تعيش بما يرضى الله وكل راجل يخاف ربنا فى مراتهويعرف ان اى ست مش عايزة غير انسان حنين عليها ويقولها شكرا وبس


  5. #5
    تاريخ التسجيل
    Jan 2013
    المشاركات
    21
    افتراضي رد: غياب الزوج ودمار المرأه والاولادوعلي
    السلام عليكم و رحمه الله وبركاته
    اولا-اختى الكريمه لازم تعرفى ان زوجك يسافر ويشقى ويتعب عشن يوفر طلباتك وطبات ابنائك وليس لغايه الفسحه واعلمى ان زوجك هو جنك ونارك وللاسف تكافئينه بالخيانه وصدقينى هذا الشخص الذى تعرفتى عليه من وراه زوجك والله هو انسان معدوم الضمير .اذا كان فعلا يحبك ويتمناكى الخير كان يتركك فى حالك لانها امراه متزوجه و لايحل له و لا لكى. لانه عباره عن ذئب بشرى يلعب بمشاعرك بحجه انه يحبك فهو ينظر اليكى فريسه سهله لكى ينهش لحمك ويلوث جسدك الذى احصنها الله واعفها بزواج لكى يستقبلها الزوج المخدوع بلحم عفن كريه لطخه غيره وصدقينى انا شاب واعرف الرجال والله مافى حد يتمنى ان يحب امرأه متزوجه لانه فى نظرها انسانه حقيره مع احترامى لكى . اختى الكريمه اعلمى انك ورائكى مسؤليا ت الابناء واهتمام البيت وحاولى ان تطلبى من اهلك سوا اخواتك او اخوتك ان يقيموا زيارات عندك بحجه انكى محتاجه منيقضى بمسؤليه وشراء احتياجات المنزل ولو نفرض ان زوجك توفاه الله او ذهب ولم يعد نهائيا وترك لك مسؤليه البيت والاولاد ماذا انتى بفاعله ..اصبرى واحتسبى اجرك على الله وحافظى على نفسك واشغل كل اوقاتك فى ذكر لله وكثره الاستغفار واهتمك لاولادك فهم احوج لكى واقطعى علاقتك مع هذا الحقير الذى يسعى الى تخريب وتدمير حياتك وانتى الخاسره فى الاخر . وعند روجوع الزوج حاولى ان تستقبليه بكل الاحضان وعليكى بالجلوس معه جلسه هادئه وصريحه وصارحيه بأنك تحبيه واشكيله على معانتك خلال فتره غيابه وحسسيه بالاخطار التى ممكن ينعكس سلباعليكى وعلى اولادك لكثره سفرياته نظرالظروف عمله خارج البلد القيم فيه مما سيعيد النظر فى مسار حياته الزوجيه ويقلل من سفرياته بقدر مايمكن لكى يلتفت اليكى والى اولاده ...والله ولى توفيق




صفحة 1 من 7 1234567 الأخيرةالأخيرة


الكلمات الدلالية لهذا الموضوع

من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية