صفحة 3 من 6 الأولىالأولى 123456 الأخيرةالأخيرة
النتائج 11 إلى 15 من 26

"يهددني بالطلاق والسبب علبة بيبسي"

  1. #11
    تاريخ التسجيل
    Feb 2012
    الدولة
    الريــــــــــــــــــــــــــــــاض
    المشاركات
    1,075
    افتراضي

    اقتباس المشاركة الأصلية كتبت بواسطة لاتسهرني"حرام" مشاهدة المشاركة
    تدرين إني كنت أطبخ وولدي مصخن وحاملته على كتفي وأنا أسوي الأكل
    وداق علي من الدوام يبي حلا وإهو يدري إن الولد مصخن
    مافكر شلون وضعي وأنا أطبخ والولد مريض
    ضغطت على نفسي باني ما أرد عليه وأهو يصارخ علي ويقولي طرمه
    لكن ماقدرت حسيت بأني خادمه عنده يصارخ علي وما أتكلم وبنفس الوقت يطلب مني أجيبله شي يشربه شلون بيحس بمشاعري وإني مو راضيه بمعاملته لي آذا سكت وماتكلمت أو على الاقل بينت له إني مضايق من تصرفاته
    اكيد أختي بانه يندم على كل فعل فعله معك فأنتي إنسانه صبوره
    الله يسعدك ويسعد أيامك بالخير


  2. #12
    تاريخ التسجيل
    Sep 2011
    الدولة
    "يادنيا رجيتك لاتبكيني خذيت من الصدمات ماجاني وكفاني"
    المشاركات
    319
    افتراضي
    اقتباس المشاركة الأصلية كتبت بواسطة رقة أنثى مشاهدة المشاركة
    السلام عليكم ورحمة الله وبركاته
    كل عام وانتي بخير ..
    اختي بقولك شيء .. مع احترامي لك .. بعض الرجال عقليته صغيره .. علبة بيبسي .. تخليه يصرخ عليك ويهددك بالطلاق .. بس فيه سبب ورا هالشيء انتي ماتعرفيه .. خليك معايا .. لاتدخلي اهلك ولا اهلو ولا شيء .. راح تكبر المشكله ع شيء تافه وانتي قولتيها .. شوفي ياأختي .. بعض الرجال يعصب ع اي شي تافه .. وسريع الغضب ..بس مافي زوج يدور النكد لنفسه الا في شيء .. حطي ببالك ان زوجك طبيعتو عصبي وسريع الغضب .. انتي خليك شاطره .. مصي الغضب اللي بزوجك .. كيف ؟؟ اقولك .. المفروض ماتقولي انتا روح جيبها اخاف تطيح من يدي .. تقولي ابشر ياقلبي .. ياعمري .. الحين اجيبها ولا اني اشوفك معصب .. راحتك عندي بالدنيا ومافيها .. اي شيء حلوو .. لان بعض الرجال يبغى شيء من زوجته ومو لاقي هذا الشيء .. ومايعرف يعبر عن مشاعره .. والبعض يكتم مشاعره مو كل شيء يقدر يقول ابغى .. فعشان كذا يكون محروم من شيء يعصب ويغضب .. واذا عصب الزوج او غضب من شيء تافه .. احضنيه .. ضميه .. بوسيه .. لاتسكتي وتزعلي وتكشري .. اذا ماقدرتي تسويها قدام اولادك .. سويها بغرفتك الخاصه .. كان دخلتي وراه بعد الغدا وحضنتيه وتأسفتي لوو وبوستيه .. وراجعي نفسك وحياتك مع زوجك .. شوفي ايش مقصره فيه .. ومعنى كلامي واضح .. بحياتك الخاصه والزوجيه معاه .. يمكن يبغى كلام حلوو .. يبغى اهتمام زايد .. يبغى دلع ودلال .. يبغى شيء معين وانتي مو ملاحظه .. شوفي طبيعة ورغبات زوجك وكمليها ووفريها لوو .. ترى بعض الرجال يكتم بداخلوو .. بس مايتحمل .. مو مثل الزوجه .. بعدين انتي ليش تكتمي بداخلك ابكي احضنيه وابكي ع صدره .. تفاهمي مع زوجك .. بان هالشيء يضايقك .. حسسيه بحبك له واهتمي فيه وانك ماتبغي تشوفيه زعلان ومتضايق .. لاتخجلي انتي زوجته وانسانه تحس وعندها مشاعر وتفضفض .. بس صدقيني تبغي زوجك يتغير معاك .. خليك قريبه اكثر من قبل معاه .. اذا ماتتكشخي وتتزيني لو .. حاولي تسوي هالشيء .. غيري من شكلك اذا مطوله يعني اصبغي شعرك .. البسي شي حلوو عنده .. تطيبي .. دلعيه بكلام حلووو .. طيعيه بطلباتو .. واكسبيه بصفك .. غيري روتينك معاه بحياتكم الخاصه .. ريحيه ع الاخر لاجا من الدوام .. خليه الاول والاخير باهتماماتك .. اوقات وجوده بالبيت لاتتركيه .. سوي ليالي رومانسيه كل فتره .. فاجئيه بهدايا .. شغلي مخك .. وشوفي الفرق .. اما اهلك واهلوو راح تتعقد المشكله ويمكن يولد الكره بداخلو والانفجار عليك ويعاملك بالإساءه اكثر .. الزوج مثل الطفل حطيها ببالك .. شفتي كيف تعاملي الطفل .. عامليه اكثر من الطفل .. عصبية وغضب الزوج ماتجي من فراغ .. الا وفي سبب .. شوفي ايش مقصره فيه مع زوجك .. لاتقولي استحي .. زوجك مو غريب .. سولفي معاه بالامور اللي هو يحبها كثير .. وفري لوو الاشياء اللي يحبها اي كان نوعها ..اذا هو بالعمل ارسلي لو رساله ع الجوال .. فيها كلام حلو .. ومشتاقه لك .. اذا برا البيت بالليل مع اصحابوا .. ارسلي لوو .. كلام حلوو .. ولاتتأخر .. حسسيه انو بحياتك دايما وببالك وعقلك وقلبك .. وانك ماتطيقي فراقه ابد .. شوري عليه بيوم خميس مثلا او جمعه تخرجو برا البيت تغيروا جوو .. او بمطعم انتي وهو بس اولادك عند اهلك وديهم .. ياختي حتى الرقص لو يحبه ارقصي لووو .. ترى الزمن هذا فتن والعياذ بالله .. املي عين زوجك واشبعيه عاطفيا .. قربي منو اكثر .. وشوفي تأثير هالشيء بحياتك ... وموفقه بإذن الله .. والله يهديه ويسخره لك ياااارب ..
    وقت مايقولي انقلعي لأهلك ولا ورقتك بكره عندك
    دايمآ أسأله إذا في راسك شي قوله
    إذا تبي تطفشني مالها داعي هالحركات وترمي كل اللوم علي وأشياء تافه تحطها حجج علي خلك واضح
    وإذا مو عشاني عشان الأطفال
    بس ما ألقى منه جواب يضل يهدد ويلعن ويسب
    ترى حاولت أسكت عنه لما يغلط علي بس إهو يزودها يقول كلام ماحد يقدر يتحمله
    وحياتي الخاصه معآه والله مو مقصره في شي
    المصروف إللي يعطيني إياه أبوي كله ضايع على العطور والملابس
    ومهتمه بشكلي وما عمري رديته إدا جاني إلا ماندر
    بس إهو قاسي معاي مايفكر فيني أبد
    والله أشوفه لما تصير مشكله لأخته شلون يطلع بنص الليل ويروح لها ويتهاوش مع زوجها لان زعلها
    ويضل طول اليوم مضايق ويفكر في حل عشان يأدب زوجها
    ليش مايتصرف بعقلانيه معاي ويطبق كلامه لما ينصح زوج أخته
    والله تجيني غصه لما أشوف تصرفاته مع أمه وخواته وأنا مالي غير السب واللعن والتهديد ولا يبيني أسكت صم بكم


  3. #13
    تاريخ التسجيل
    Sep 2011
    الدولة
    "يادنيا رجيتك لاتبكيني خذيت من الصدمات ماجاني وكفاني"
    المشاركات
    319
    افتراضي
    اقتباس المشاركة الأصلية كتبت بواسطة ام شروق ومنى مشاهدة المشاركة
    عليكى بالصبر والدعاء لزوج واعملى كيف ما نصحتك رقة انثى كلامها كتير بيعمل نتيجة حلوة ولو انتى صعبان عليكى حالك اضغطى على نفسك من اجل الاطفال
    هذا الشي إللي مصبرني إذا شفت معاملته وشفت بنتي وولدي
    قلت حرام يتشتتون ويضيعون
    بصبر نفسي عليه والله يهديه


  4. #14
    تاريخ التسجيل
    Sep 2011
    الدولة
    "يادنيا رجيتك لاتبكيني خذيت من الصدمات ماجاني وكفاني"
    المشاركات
    319
    افتراضي
    اقتباس المشاركة الأصلية كتبت بواسطة شجن الحروف مشاهدة المشاركة
    لاحول ولا قوة إلا بالله
    هذا النوع من الأشخاص الذين يريدون المداره
    بالكلمه الحلوه والإبتسامه الجميله والمنظر الحسن
    من زوجته
    وام الطلاق..
    ماهي الوسيله الوحيده لحل المشاكل
    بل هي التدمير الوحيده لحياتك
    أتمنى التعقل والرويه بالموور
    وأم ردك له بأن أنت من يقوم ويجيب السفن ماهو من العقل لأنه تووه داخل وتعبان من الشغل
    يعني كلمتك له كانت صعيه وأما عن إبنتك المفروض من الأول اعطيتها اكلها ونومتيها عشان تنعمو بالهدوء
    أتمنى لكما السعاده الدائمه
    و
    مو أنا إللي أبي الطلاق إهو إللي كل ماصار شي بينا قالي بعلمك وبرويك وانقلعي بيت أهلك وبكره ورقة طلاقك بتوصلك
    تخيلي لما يقولي هالكلام أقوله أنا مابي الطلاق هذا مو بس مصيري انا هذا مصير أولادك بعد ليش تضيعنا عشان اشياء تافه ليش ماتتفاهم معاي بدل ماتصارخ وتهدد لكن لاحياة لمن تنادي
    مايسمعني مايسمع إلا صوته وكلامه


  5. #15
    تاريخ التسجيل
    May 2009
    الدولة
    يـــــــا الله أجعلنـــــيّ مــن الـــذين مـــــرَّوا و لا ضـــــرَّوا
    المشاركات
    35,712
    افتراضي
    أولا كانت فكرتي عن زوجك انه عديم احساس متبلد المشاعر ... لكن لما قلتِ أنه ساعد اختك بقضية زوجها .. قلت الحمدلله فيه أمل أن ينصلح حاله معك ..

    الشغله هي معاملته السيئه لك انت فقط .... طبعا بالسابق قلت لك اذكري محاسنه وفكري فيها عشان يصير مردودها عليك طيب ... وعشان تتناسين اي اساءه منه

    ولكن ..

    يبدو ان مساوءه تطغى على محاسنه لذلك ما صرتي تتحملي ..

    حبيبتي باختصار ..

    أنت تبينه ؟؟

    أنت تحبينه ؟؟

    تتمنين يخف عن معاملته السيئه ويتغير الى الافضل لو 5% ؟؟؟ وبعدها يجي التدرج بالتحسن ؟؟

    اذا كانت اجاباتك بنعم ...

    عليك التحمل والصبر وقبل هذا العمل .... ليه ؟؟

    لانه انت اللي راح تعالجيه ... اعتبري انه مريض .. وهو فعلا مريض نفسي .. ودواه عندك انت فقط بما انه معاملته السيئه لك انت ..

    والله ثم والله هالنوعيه ما تكسر راسهم غير المعاملة الطيبه .. ومقابلة لعانته واساءته بالمعامله الحنونه الهادئه

    تبين يحس فيك عشانك طبختي الغدا وانت شايلة بنته وهي مسخنه ..... اقول لك اياه ما راح يحس و لاتتوقعين أنه يحس ولا تتأملين ذلك ولا تحطين ببالك مثل هذه الامور .. ابداااا
    فيه رجااال من القساوة اللي فيهم وعدم احساسهم بزوجته يعزم 20 رجال على غذا أو عشا وزوجته بالتاسع وطلووق تروح وتجيها .. في هالحاله لو الزوج مثل زوجك تطبخين له والضحكه شقاقي .. لكن بقلبك ودك تذبحينه << ليش قلت كذا ؟؟تسوين اللي يبي... ومن داخلك مو راضيه؟؟؟ .... في سبيل أن يتعدل ... اخرتها بيحس وصدقني.

    لكن الشغله يبيلها صبر مو تسوينها اسبوع والا شهر وتجين تقولين ما فاد ............ على الاقل سنه .. وعشان ما يصير فيك شي اقصد صحتك ونفسيتك .. الزمي الاستغفار ودعاء اللهم اشرح لي صدري وييسر لي امري ((( كل هذا اعتبريه علاج انت تعالجين مريضك ))))

    أتمنى تجربين ... ومنت خسرانه شي .. لانك في الحالتين تعبانه منه


صفحة 3 من 6 الأولىالأولى 123456 الأخيرةالأخيرة


من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية