صفحة 1 من 2 12 الأخيرةالأخيرة
النتائج 1 إلى 5 من 10

طريقة صنع الاكسسوارات خطوة بخطوة

اتفضلي يا ستي انا جبتلك حاجات حلوة يارب تفيدك وتكون هي اللي انتي عايزاها الأول طريقة عمل الشكل الجميل ده الأول دي الحاجات اللي هنحتاجها

  1. #1
    تاريخ التسجيل
    Oct 2008
    الدولة
    السعودية
    المشاركات
    22
    Lightbulb طريقة صنع الاكسسوارات خطوة بخطوة

    طريقة صنع الاكسسوارات خطوة بخطوة



    اتفضلي يا ستي

    انا جبتلك حاجات حلوة يارب تفيدك وتكون هي اللي انتي عايزاها

    الأول طريقة عمل الشكل الجميل ده

    طريقة صنع الاكسسوارات خطوة بخطوة d7d0381a8524e40dbb33

    الأول دي الحاجات اللي هنحتاجها



    سلك نحاس

    حلقتين صغيرين زي اللي في الصورة

    خرز اسود متوسط الحجم
    خرز (خرج نجف طويل) لونه دهبي أو بيج
    للقفل نجيب الحلقة والعمود الصغير اللي بيدخل فيها

    ست خرزات شبه الخرز الاسود بس دهبي

    قطعتين النحاس اللي بيمسكوا الخرز والسلك

    وفي الآخر حاجة صغيرة كده زي بنسة اسمها زَرَّادية مع شدة على الراء

    دي شبه البنسة الكبيرة دي بتاعت النجارة تقريبا بس على صغنوووون




    الحاجات دي بقى منيييين؟؟

    من عند أي محل خردوات أو أدوات الخياطة وبتوع الخرز

    هما غالبا بيكونوا في مكان واحد جنب بعض بيبيعوا الحاجات دي يعني

    وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


    نيجي للطريقة بقى

    أول حاجة هنجيب واحدة من قطع النحاس مع السلك وتلات خرزات دهبي

    ونربطهم بالشكل ده

    أهم حاجة ماننساش في النص لازم يكونوا سلكين

    طريقة صنع الاكسسوارات خطوة بخطوة 479b13a18c8e238a32c3


    ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر

    طريقة صنع الاكسسوارات خطوة بخطوة 324566f7b6de818ad7ce

    نبدأ بقى بالجزء اللي في النص

    وركزوا فيه
    هناخد الأول خرزة سودا نحطها في السلكين

    بعدها في كل واحد فيهم نحط واحدة خرج نجف عشان يعمل الشكل ده

    طريقة صنع الاكسسوارات خطوة بخطوة ad61d634ca6b0d878698

    بعدها نلف السلك حولين الجنبين ونضمهم في النص تاني

    وممكن لو عرفنا بدل ما نلفه ندخله في الخرز الاسود على الجنبين

    أهم حاجة ناخد بالنا من طول السلك يكون طويل شوية لو حبينا نقصره نقصه عادي

    بدل مانعمل ومايكفيش في الآخر

    طريقة صنع الاكسسوارات خطوة بخطوة f35b6d1a5169ee3c5030

    بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

    وتاني نفتحه باتنين خرج نجف ونلفه وهكذا بقى

    في الآخر بتوصل بالشكل الجميل اللي شفناه ده بعد مانوصل القفل من الجهتين

    طريقة صنع الاكسسوارات خطوة بخطوة d7d0381a8524e40dbb33

    حلق ظريف بالخرز الأحمر

    وده شكله

    طريقة صنع الاكسسوارات خطوة بخطوة cd003668a13272dc3f56

    وبرضه هنستخدم الزرادية اللي قلتلكوا عليها قبل كده

    عشان نقدر نتني السلوك بتاعتنا بالشكل المظلوب زي ما هتشوفوا معايا

    بعد كده الحاجات اللي هنستخدمها كالتالي

    طريقة صنع الاكسسوارات خطوة بخطوة 020c6d1d5048ec266b12

    سلسلتين بالحجم اللي شايفينه في الصورة
    نجيبهم من عدن بتوع الخردوات وأدوات التطريز

    أو ممكن نعملهم بإيدينا بالسلك

    خرز أحمر اتنين كبار و 12 حجم أصغر

    سلوك على شكل دبابيس بس هي مش مدببة من تحت عادية مش بتشوك

    هنجيب منهم 14 واحد

    ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


    الأول هشرحلكوا طبعا على فردة واحدة من الحلق واعملوا التانية زيها

    هنجيب واحدة من السلسلتين

    ونيجي عليها من نصها بحيث يبقى جزء أقصر من التاني
    وندخل قطعة المعدن بتاعت الحلق في حلقة صغيرة فيها




    بعدها نجيب الدبابيس (الغير مدببة)

    ونحطها في الخرز زي مانتوا شايفين كده وبعدين من الناحية التانية نتنيها

    ونخليها على شكل حلقة

    وطبعا لو طلعت طولة شوية نقصها بالزرادية

    طريقة صنع الاكسسوارات خطوة بخطوة 907579b72632b8be19fa

    بعد كده هنحط الخرزة الكبيرة في السلسلة في الجزء الأطول





    وبعدها نبدأ نوزع باقي الخرز الصغير زي ماحنا شايفين كده

    طبعا الحلقة بتاعت الخرزة كانت مفتوحة شوية بعد مانركب الخرز في السلسلة

    نبدأ نقفل الحلقات دي كويس بالزرادية


    طريقة صنع الاكسسوارات خطوة بخطوة 4cc00a30c86119c3683d


    وكده نكون عملنا حلق شكله جميل وكمان بإيدينا

    المواضيع المتشابهه:


    'vdrm wku hgh;ss,hvhj o',m fo',m ak/



  2. #2
    تاريخ التسجيل
    Oct 2008
    الدولة
    امشي و افتخر
    المشاركات
    6,473
    افتراضي رد: طريقة صنع الاكسسوارات خطوة بخطوة
    طريقة صنع الاكسسوارات خطوة بخطوة
    شـكــ وبارك الله فيك ـــرا لك ... لك مني أجمل تحية . موفق بإذن الله .


  3. #3
    تاريخ التسجيل
    Dec 2008
    المشاركات
    1,232
    افتراضي رد: طريقة صنع الاكسسوارات خطوة بخطوة
    طريقة صنع الاكسسوارات خطوة بخطوة
    بارك الله فيك ورحم الله والديك, يعطيك الف عافيه


  4. #4
    تاريخ التسجيل
    Oct 2008
    الدولة
    السعودية
    المشاركات
    22
    افتراضي رد: طريقة صنع الاكسسوارات خطوة بخطوة
    طريقة صنع الاكسسوارات خطوة بخطوة
    شكرًا على المرور


  5. #5
    تاريخ التسجيل
    Jan 2012
    المشاركات
    38
    افتراضي
    طريقة صنع الاكسسوارات خطوة بخطوة
    للاسف مافي صور



صفحة 1 من 2 12 الأخيرةالأخيرة


الكلمات الدلالية لهذا الموضوع

من نحن
تم تأسيس عالم المرأة لخدمة المرأة العربية في شتى المجلات و توفير فرص العمل
إنضم لنا
برمجة و إستظافة إبداع للتكنولوجيا الرقمية